【「好賤呀」Vien係比前度出賣！證明愛你既人唔會捨得傷害你】
上期100毛做左個街訪，當中空姐Vien因為一句「好賤呀」成功上位，不過有網民搵到幾年前佢既露點相仲瘋傳。Vien一夜間比人睇曬全相，情緒陷入崩潰邊緣。好多人指責佢搵sp先有慾照流出。不過琴日佢再度崩潰，用近萬字公開自己過去，將大家一直以黎既誤會、揣測、抺黑一次過解決。
總括黎講，七年前Vien識左一位男仔（佢前度），但中學就黎完就發現對方極有問題，係個好自負既男人。第一次想分手前度以自殺威脅，後來佢地復合。Vien成為空姐後，前度突然變得多疑、控制狂，要佢準時報到、唔准同朋友出街、放工一定要返屋企，甚至叫佢只可以睇住自己打機。Vien第二次講分手，前度不斷大巴大巴車落佢度，打到佢半邊臉腫起麻痹，又再次以自殺威脅，呢次更加將之前Vien send比佢既慾照save低，想將相全部公開以求整死佢。Vien害怕到奪門逃走，前度一直跟住佢，佢全身發抖都決意要分手。
終於分手後前度成日拍門又鬧又道歉，有次喺Vien樓下等，把佢電話、ipad搶走，前度仲要Vien做sp，否則就摧毀佢。後來前度不停瘋狂whatsapp、打二百多次電話滋擾佢同家人，最後將慾照喺八千幾人既gp度散播......依家Vien辭左職，前度成功左，Vien亦開始控告佢。
我唔知呢件事係真定假，唔會作評論，當然我希望係假，因為太過恐怖🤦🏻♀️不過睇完我都想借呢件事提醒大家：唔好咁傻啦！如果另一半出現以下問題，又屢勸不改就要早走早著：
1. 出手打你、傷害你
2. 搶走或故意整爛你既財物
3. 以自殺或各種理由威脅你聽佢說話做
4. 唔比你出街、甚至鎖你喺屋企限制你活動
5. 唔比你認識任何一個異性
6. 用whatsapp、電話甚至真人滋擾你做野，仲要搞到你朋友同屋企人日常生活
7. 多次呃你，誠信破產
8. 背住你同其他人搞
喂，你唔係仲等佢改邪歸正呀？以上行為根本嚴重威脅人身安全同自由，對人地善良姐係對自己殘忍，所以唔好再忍耐！為自己、為家人，最好既選擇就係分手😠佢話愛你，又話唔會再咁做？你估拍電視劇咩家下！Bullshit！佢想等你心軟再慢慢折磨你咋，呢個人有病架😨
我明，呢個人原本明明係你最深愛既人，突然間變左係好難接受。愛一個人冇錯，但千祈唔好冇左自己，要識得保護自己。真正愛你既人係絕對唔會捨得傷害你，既然佢再唔係你以前愛既嗰個人，就唔好再留戀啦。
我睇過一單新聞覺得好適合形容變態另一半：有個外國人覺得獅子係自己既朋友，所以唔理大家反對就開始同佢同居。嗰段時間佢對獅子真係好似朋友咁，又比野佢食、同佢玩、傾偈，但喺相裡面睇得出隻獅子眼神好似望住食物咁，仲有幾次想咬個外國人。最後獅子終於趁個外國人訓覺走入去咬死佢，而呢件事亦成為電影。呢個例子證明左野性難馴、本性難移，一開始努力過而另一半又真係改到當然好好，但假如多次唔成功...就一定要走！
Search